നിനക്കായി

എഴുതാനിരുന്നപ്പോൾ
തെറിച്ചു വീണ വാക്കുകൾ
എല്ലാം നിറമില്ലാത്തതായിരുന്നു 
വിടപറഞ്ഞ പ്രണയത്തിൽ 
വിരഹമുരുകി ആത്മാവ് 
ദാഹിക്കുമ്പോൾ ദൂരെയെവിടെയോ
ഒരിറ്റു കണ്ണീർ നനവുമായി നീയുമുണ്ട് 
ഓർമ്മക്കളിറ്റുവീണൂ നനഞ്ഞ 
നടവഴികളിൽ ഇന്നും കാത്തിരിപ്പിന്റെ 
സുഖവും  പേറി പാതിമുറിഞ്ഞ
കിനാക്കൾ കാത്തിരിപ്പുണ്ട്....

തനിച്ചിരുന്നപ്പോഴാണു ഓർമ്മകൾ
കുത്തിയോഴുകിയത് 
ഭ്രാന്തൻ...
ഇനി ഞാനെങ്ങനെ തിരികേ നടക്കും?
അതിരിടാത്ത ലോകത്തിൽ
ആരുമറിയാതെ കാലങ്ങളും 
ജന്മങ്ങളും കടന്നു  ഞാൻ
നിനക്കായി പകുത്തുവെച്ച
പ്രണയം  ഇനിയും ഇനിയും 
എഴുതേണ്ടിയിരിക്കുന്നു ....