പുസ്തകങ്ങൾ

കുറെ പുസ്തകങ്ങൾ വാങ്ങണം
വിലകുറഞ്ഞവ മതി
ആരും കേൾക്കാത്ത പേരൂള്ള
നല്ല ഭംഗിയുള്ള പുറം ചട്ടയുള്ള
ബുക്കുകൾ വാങ്ങണം
കൂട്ടത്തിൽ ഏംടിയും വിലാസിനിയും
മാധവികുട്ടിയും ബഷീറും തകഴിയും
എല്ലാരും വേണം....
വീടിന്റെ വിസിറ്റിംഗ് റുമിൽ
ഒരു ഷോക്കേഴ്സ് പണിയണം
അതിനൊരു ചില്ലു വാതിലും അതു
പൂട്ടാനൊരു പൂട്ടും വേണം
ഒരിക്കലും തുറക്കാത്ത പൂട്ടിനുള്ളിൽ
എംടിയും ബഷീരും മാധവികുട്ടിയും
ഇരുന്നു അതിഥികളെ നോക്കി
ചിരിക്കണം....
ഒരിക്കലും ചുളിയാത്ത പേജുമായി
എന്റെ പൊങ്ങച്ചമായി വിശ്വ-
സാഹിത്യങ്ങൾ മുരടിക്കണം