എഴുതിയെഴുതി തീർക്കണമെന്നു
എത്ര ആശിച്ചാലും
വാക്കുകൾ മുറിഞ്ഞു
മനസിൽ ചുരുണ്ടുകൂടുന്ന
നിനക്ക് ചിലപ്പോഴോക്കെ ആയിരം
സൂചിമുനകളുടെ മൂർച്ചയാണു !!
അതിലാസ്യഭാവത്തിൽ
എന്നിലേക്കെത്തി
പതിയേ പതിയേ ചടുലതയാർന്നു
ഒരായിരം ഭാവങ്ങളിൽ നിറഞ്ഞു
വീണ്ടും വീണ്ടും ഒരിഴതെറ്റിയാൽ
എന്നിൽ ഭ്രാന്തു പൂക്കുന്ന
നിന്റെ മണമുള്ള ഓർമ്മകളോട്
മൂകതയിൽ നിന്നും
വാക്കുകളിലേക്കൊന്നു
ഉണരാൻ പറയണം !!
No comments:
Post a Comment